សុខភាព : អ្នកជំងឺជាច្រើនបានលេបថ្នាំគ្រាប់ជាមួយនឹងទឹកក្ដៅឧណ្ហៗ ដោយមិនដឹងថាថ្នាំនឹងទៅដល់ក្រពះមុនរលាយជាមួយទឹក ឬអត់នោះទេ។ ចំនុចនេះជារឿងមួយដែលគួរឱ្យគិតពិចារណាថា តើគួរលេបថ្នាំបែបណាទើបល្អ?
ថ្នាំគ្រាប់អាចរលាយដោយទឹកក្តៅ ហើយក្រោយពីការលេបរួចអ្នកគួរពិសាទឹកតាមក្រោយឱ្យបានច្រើន គួរលេបថ្នាំមុនចូលគេង ៣០នាទី មិនត្រូវទទួលទានថ្នាំហើយចូលគេងភ្លាមនោះទេ។
ឧទាហរណ៍ថា បុរសម្នាក់លេបថ្នាំអង់ទីប៊ីយ៉ូទិក (Antibiotics) ហើយពិសាទឹកតិចពេក ថ្នាំនឹងធ្លាក់ចុះមិនទៅដល់ក្រពះ ដោយទើរនៅត្រង់បំពង់អាហារ ហើយក្លាយជាដើមហេតុធ្វើឱ្យបំពង់អាហាររលាក។
គ្រូពេទ្យបានក្រើនរំលឹកថា អាការៈអាចនឹងធ្ងន់ធ្ងរទៅ និងអាចមានផលប៉ះពាល់។ ហេតុដូច្នេះ ត្រូវប្រយ័ត្នប្រយែងនៅពេលលេបថ្នាំគ្រាប់ កុំពិសាទឹកក្តៅឧណ្ហៗ ឬទឹកក្ដៅខ្លាំងពេក ទឹកផ្លែឈើ ឬទឹកសេរ៉ូគ្រប់ប្រភេទ តាមពីក្រោយថ្នាំជាដាច់ខាត។
វិធីល្អបំផុតនោះ គឺគួរពិសាទឹកត្រជាក់តែប៉ុណ្ណោះ បើអ្នកមានអារម្មណ៍ ស្ងួតបំពង់ក ត្រូវពិសាទឹកតាមពីក្រោយឱ្យបានច្រើន ឬ ពិសាទឹកដោះគោត្រជាក់ក៏បាន។
គួរឈរ ឬអង្គុយឱ្យត្រង់ នៅពេលទទួលទានថ្នាំ កុំដេកភ្លាមក្រោយពេលទទួលទានថ្នាំរួចឱ្យសោះ។
